2014年1月22日星期三

乾燥救星: 救命水

上週六和姊妹們殺去秀英買海味金蠔, 她們介紹了無花果救命水, 如食完西藥後口乾燥底, 飲了喉嚨會立刻舒緩, 所以即買來煲給病了幾星期的少爸飲!

就是這隻美國無花果了!


跟她們的網頁煲法, 將無花果洗淨剪開, 鮮淮山洗淨浸一小時, 陳皮浸軟去囊, 南北杏洗淨
全部齊水大火煲十分鐘後慢火煲一個半小時即成!
味道像雪梨水般酸酸甜甜, 飲完立刻滋潤返晒, 喉嚨好舒服呀!
少爸飲完一杯又一杯, 問我在那裡學煲? 用什麼材料? 哈哈!



2014年1月20日星期一

變種蘿蔔糕

話說去年在蘿蔔糕中加了芋頭粒給少婆&少姨們試過後她們都大愛, 
因為蘿蔔糕中有芋頭的香味, 但沒有芋頭糕般油膩,
所以今年都整了我命名為"變種蘿蔔糕"的芋頭粒蘿蔔糕給她們吃!
                                  
首先將芋頭粒切粒後蒸廿分鐘至稔
 炒好蘿蔔糕粉漿後先鋪一層在錫盤內, 之後將芋頭粒排在頂, 再落蘿蔔糕漿, 
其他做法和制蘿蔔糕一樣
 蒸好後切片的樣子, 煎好後很好吃呢!
 餘下的芋頭粒我加在樹記腐竹糖水中, 好味!
                                 


2014年1月19日星期日

蘿蔔糕

這幾年都會自己蒸蘿蔔糕, 尤其是買了KM & 蒸爐, 如不自制真的浪費呢!
材料:
蘿蔔4斤
冬菇4隻
瑤柱絲半碗
蝦米半碗
臘腸3條

粉漿:
粘米粉半斤
鷹粟粉1湯匙
水 320ml

調味:
鹽 2茶匙
糖 1茶匙
胡椒粉 2湯匙

做法:
臘腸&瑤柱絲先蒸20分鐘, 冬菇浸軟切粒, 蝦米浸軟
用KM將蘿蔔三分一切粗條
 三分二切幼條
 今次我將臘腸打碎, 因為少公吃不到硬的臘腸
 用李和祥的粘米粉
 將粉加水拌勻備用
 熱油鑊先炒香臘腸, 之後落瑤柱&蝦米, 最後落冬菇爆香至金黃色
 
用原鑊加少許油炒粗蘿蔔絲十多分鐘
 之後加入幼絲蘿蔔再炒多幾分鐘
 加入粉漿 & 已爆香的材料 (留少量材料放糕面頂)
小火炒至重手收乾水即成
落錫紙盤時要一路壓實, 否則切時會散開不成型了!
之後將預留的材料鋪面
 蒸一小時
 話咁快就蒸好!
 
放涼後雪一晚, 之後很易切成片, 不會散開!
 煎時只要將少許油燒熱, 再慢火煎即可!
一煎好就比兩小餓狼搶食了!

評價大好, 滿足!



2014年1月8日星期三

牛油蒜蓉煎蝦

有一天, 少爸幫忙到街市買餸, 很慳家地買了一盤$30的蝦, 怎樣煮呢?  不想又用豉油煎, 一於來一個牛油蒜蓉煎蝦吧!




先落牛油煮溶

之後落蝦煎熟兩邊至8成

    落蒜蓉

再落鹽 & 黑椒粉兜勻

 就是這麼簡單便完成了, 連平日不太愛吃蝦的大少也和細少爭食呢!


2014年1月4日星期六

荷葉蔗糖年糕

很久之前在網上見到一個古法蔗糖食譜, 是用荷葉墊底蒸的!
蒸好的年糕會有淡淡荷葉清香味, 所以今年又整過!

份量: 糯米粉1斤, 蔗糖片400g, 水550g & 油3湯匙 
此份量可做兩盤, 另一盤可用普通蒸盤來蒸 (師奶本色有位勿浪費嘛, 所以蒸多盤, 哈!)
無蒸爐者可減半做一盤

首先一定要買本地出品的李祥和糯米粉!

還有增城蔗糖, 在舊式雜貨店有售, 用大瓦缸裝住來散賣的!

首先將水&蔗糖煲溶後放涼備用

將蔗糖水分數次倒入糯米粉中攪拌至無粉粒

最後加3湯匙油混和

9吋竹籠先鋪上烘焙紙

再將荷葉鋪上

倒入粉漿 

放進蒸籠蒸2小時

輕輕鬆鬆就蒸好了!  甜度剛好, 很香很好味呢!











2013年12月29日星期日

2013 Boxing Day Party At Home

今年應親戚們的要求在我家開Boxing Day Party, 多謝賞面!

主菜是美國特級春雞
每人半隻!  吃之前他們還說太多, 但都是清了!

砵酒煮牛肋條, 送飯一流, 煲的白飯都給清了!

肉醬千層闊麵, 最受小朋友歡迎!

少公帶來要我焗的多春魚, 夠香夠味, 送酒一流!

香草焗薯粒

菜心莖炒菇

細少要求有雞蛋片的鮮果沙律

自制的藍莓芝士蛋糕

還有最受歡迎的朱古力火鍋

我們還交換禮物呢!

雖然忙了兩天, 但很滿足!